-
Pleananna Forbartha, Polasaithe Eagraíochtaí / Development Plans, Organisational Policies Baineann an tsraith seo le Conradh na Gaeilge (CnaG) féin, lena struchtúr, a bhunreacht, a pholasaithe agus pleananna oibre, agus cuimsítear léi tuarascálacha bliantúla, ábhar a bhaineann leis na foirgnimh éagsúla in úinéireacht CnaG agus ábhar a bhaineann leis “An Fáinne”, ar clár teastasaithe a reáchtáil CnaG é.
*****
This series relates to the Conradh na Gaeilge (CnaG) organisation itself, its structure, constitution, policies and work plans and includes annual reports, material relating to the various buildings owned by CnaG and material relating to “An Fáinne”, a certification programme run by CnaG.
-
Timirí agus Múinteoirí Taistil / “Timirí" [Organisers] and Travelling Teachers Baineann an tsraith seo le hobair na dTimirí [lucht eagraithe] agus teagascóirí taistil ar fud na tíre, agus áirítear leis tuairiscí, treoracha, cláir oibre agus conarthaí an lucht eagraithe. Tá ábhar ann freisin a bhaineann le “Lá na dTimirí”.
*****
This series relates to the work of Timirí [organisers] and travelling teachers all over Ireland and includes organisers’ reports, instructions, agendas and contracts. It also includes material relating to “Lá na dTimirí” [Organisers’ day].
-
Coistí / Committees Baineann an tsraith seo le hobair coistí agus fochoistí éagsúla Chonradh na Gaeilge a n-áirítear leis sin an Coiste Gnó; an Coiste Airgeadais [ar tugadh an Buanchoiste air chomh maith]; Coiste na bPáistí; Coiste na Féile; an Coiste Um Bhailiú Airgid; an Fochoiste Oideachais; an Fochoiste Gaeltachta; an Fochoiste Oiliúna agus na Fochoistí Craolacháin agus Meán. Miontuairiscí agus comhfhreagras is mó atá inti.
*****
This series relates to the work of various committees and subcommittees of Conradh na Gaeilge including the National Executive; Finance Committee [also known as the Standing Committee]; Children’s Committee; Festival Committee; Fundraising Committee; Education subcommittee; Gaeltacht Subcommittee; Training subcommittee and Broadcasting and Media Subcommittees. It consists mainly of minutes and correspondence.
-
Craobhacha, Coistí Ceantair agus Dála Cúige / Branches, District Councils and Provincial Executives Baineann an tsraith seo le hobair na nDála Cúige, na gCoistí Ceantair agus na gcraobhacha, agus áirítear léi foirmeacha clárúcháin, miontuairiscí, cártaí ballraíochta agus comhfhreagras. Liostaítear na Comhairlí Ceantair agus na craobhacha de réir cúige. Tá rannán breise i bhfoshraith na gCraobhacha a bhaineann le craobhacha lasmuigh d’Éirinn. Áirítear leis an ábhar míreanna faoi leith a bhain le craobh Londan de Chonradh na Gaeilge a cuireadh ar ais chuig an bpríomhoifig mar bhailiúchán; ábhar a bhaineann leis an Ard-Chraobh; Craobh an Chéitinnigh; Craobh na gCúig gCúigí agus Craobh Móibhí.
*****
This series relates to the work of the individual Provincial Executives, District Councils and branches and includes registration forms, minutes, membership cards and correspondence. District Councils and branches are listed by province. The Branches subseries has an additional section relating to branches outside of Ireland. Material includes items of particular note relating to the London branch of Conradh na Gaeilge which was returned to the head office as a collection; material relating to the Ard-Chraobh [central branch]; Craobh An Cheitinnigh; Craobh na gCúig gCúigí and Craobh Móibhí.
-
Comhfhreagras / Correspondence Baineann an tsraith seo le comhfhreagras idir Conradh na Gaeilge (CnaG) agus daoine agus eagraíochtaí éagsúla, agus tá ord croineolaíoch uirthi de réir gach deich mbliana*. Is é atá i gceist léi den chuid is mó fiosrúcháin maidir leis an nGaeilge; na ranganna a bhí á reáchtáil ag CnaG; taighde; agus obair CnaG féin. Is féidir teacht ar chomhfhreagras i ndáil le topaic faoi leith sa tsraith a bhaineann leis an topaic sin e.g. G60/30 Oideachas.
*Tá ábhar sa tsraith seo curtha in ord croineolaíoch ach tá roinnt míreanna lasmuigh de raon dátaí an chomhaid san áireamh freisin, ar mhaithe leis an gcomhthéacs.
*****
This series relates to correspondence between Conradh na Gaeilge (CnaG) and various individuals and organisations and is organised chronologically by decade*. It consists mainly of inquires relating to the Irish language; classes run by CnaG; research; and the work of CnaG itself. Correspondence relating to a specific topic can be found in the series relating to that topic e.g. G60/30 Education.
*Material in this series is arranged chronologically although in some cases items outside the date range of an individual file may be also included, to maintain context.
-
Airgeadas / Finance Baineann an tsraith seo le cúrsaí airgeadais agus áirítear léi ráitis bainc; tuarascálacha bliantúla; iarratais ar dheontais; tuarastail fostaithe; tiomsú airgid; tiomnachtaí; iasachtaí agus comhfhreagras.
Tá roinnt ábhar dúnta chun cloí le GDPR agus le rialacháin eile.
*****
This series relates to financial matters and includes bank statements; annual reports; grant applications; employee wages; fundraising; bequests; loans and correspondence.
Some material is closed to adhere to GDPR and other regulations.
-
Caidreamh Poiblí agus Margaíocht / Public Relations and Marketing Baineann an tsraith seo le hobair caidrimh poiblí agus mhargaíochta Chonradh na Gaeilge (CnaG). Áirítear leis ábhar ó sheimineáir a bhain le Caidreamh Poiblí; preasráitis i mBéarla agus i nGaeilge; ábhar fógraíochta lena n-áirítear póstaeir, bileoigíní agus taispeántais; doiciméid a bhaineann le fógraí a chur i bhfoilseacháin agus seirbhísí aistriúcháin; dearadh lógó nua; agus rannán cuimsitheach grianghraf.
*****
This series relates to the Public relations (PR) and marketing work of Conradh na Gaeilge (CnaG). Material includes that from seminars relating to PR; press releases in English and Irish; promotional material including posters, flyers and exhibition displays; documents relating to placement of advertisements and translation services; the design of a new logo; and a substantial section of photographs.
-
Riarachán / Administration Baineann an tsraith seo le riaradh na heagraíochta agus áirítear léi sonraisc agus fáltais, curricula vitae comhaltaí foirne; iarratais poist agus oiliúint foirne; doiciméid árachais; ceadúnais; agus ábhar a bhaineann le hoibleagáidí an fhostóra. Tá roinnt ábhar dúnta chun cloí le GDPR agus le rialacháin eile.
*****
This series relates to the administration of the organisation and includes invoices and receipts; staff CVs, job applications and staff training; insurance documents; permits; and material relating to employer obligations. Some material is closed to adhere to GDPR and other regulations.
-
Foilsitheoireacht (CnaG) / Publishing (CnaG) Baineann an tsraith seo le foilsitheoireacht Chonradh na Gaeilge den chuid is mó, a bhfuil san áireamh léi ábhar a bhaineann le Clodhanna Teoranta; An Cló-Chumann; An Siopa Leabhar [siopa leabhar CnaG] mar aon le sraith léaráidí a bhfuil an seans ann gur úsáideadh iad i bhfoilsiú ghearrscéalta Phádraig Mhic Phiarais ‘Íosagán agus Scéalta Eile’ [1930í-1950í?]. Áirítear léi chomh maith foshraith a bhaineann le hIrisí agus Nuachtáin a bhfuil ábhar ann nach é CnaG a d’fhoilsigh é.
*****
This series relates primarily to Conradh na Gaeilge publishing including material relating to Clodhanna Teoranta; An Cló-Chumann; An Siopa Leabhar [CnaG’s bookshop] and a set of illustrations possibly used in the publication of Patrick Pearse’s short stories "Íosagán agus Scéalta Eile" [1930s-1950s?]. It also includes a subseries relating to Journals and Newspapers which include non CnaG issued items.
-
Foilsitheoireacht (eile) / Publishing (other) Baineann an tsraith seo le foilsitheoireacht nach foilsitheoireacht Chonradh na Gaeilge í, agus áirítear léi ábhar a bhaineann le foilsitheoirí éagsúla; Fochoiste Foilseacháin Chomhairle na Gaeilge; Cumann na bhFoilsitheoirí Gaeilge; Bord na Leabhar Gaeilge; léirmheasanna ar leabhair agus comhfhreagras.
*****
This series relates primarily to non Conradh na Gaeilge publishing and includes material relating to various publishers; Comhairle na Gaeilge Publications Subcommittee; Cumann na bhFoilsitheoirí Gaeilge [Irish Language Publishers Association]; Bord na Leabhar Gaeilge [Irish Language Books Board]; reviews of books and correspondence.
-
Eagraíochtaí Óige An Chonartha srl. / Conradh Youth Organisations etc. Baineann an tsraith seo le heagraíochtaí óige éagsúla agus imeachtaí don óige lena n-áirítear iad sin a reáchtáladh faoi choimirce CnaG, mar shampla Comhluadar, Conradh na nÓg; Feachtas; Ógras; agus Dáil na nÓg agus is é atá i gceist léi ná miontuairiscí, comhfhreagras, preasráitis agus grianghraif. Áirítear léi chomh maith ábhar a bhaineann le club CnaG ag 6 Sráid Fhearchair, Baile Átha Cliath (Club an Chonartha) agus clubanna eile ar fud na tíre.
*****
This series relates to various youth organisations and youth events including those run under the auspices of CnaG including Comhluadar; Conradh na nóg; Feachtas; Ógras; and Dáil na nÓg [Youth Assembly] and consists of minutes; correspondence; press releases and photographs. It also includes material relating to the CnaG club at 6 Harcourt Street, Dublin (Club an Chonradh) and other clubs nationwide.
-
Comhaltas Uladh Baineann an tsraith seo le Comhaltas Uladh, ar tionól cúige de chuid Chonradh na Gaeilge é a bunaíodh in 1926 chun obair CnaG i gcúige Uladh agus i gContae Lú a riaradh. Is é atá i gceist leis an tsraith seo ná lámhleabhair, paimfléid, cláir, comhfhreagras agus aistí clóscríofa agus ailt faoina stair agus a chaidreamh le CnaG féin.
*****
This series relates to Comhaltas Uladh, a provincial assembly of Conradh na Gaeilge which was founded in 1926 to administer the work of CnaG in the province of Ulster and County Louth. It consists of handbooks, pamphlets, programmes, correspondence and typed essays and articles on its history and relationship with CnaG itself.
-
Ard Fheis Baineann an tsraith seo le hArd Fheis Chonradh na Gaeilge agus áirítear léi cláir, miontuairiscí; cuntais agus tuairiscí; comhfhreagras; aithisc thosaigh agus grianghraif.
*****
This series relates to Conradh na Gaeilge’s Ard Fheis [annual congress] and includes programmes; minutes; accounts and reports; correspondence; opening addresses and photographs.
-
An tOireachtas [Annual Oireachtas compeition] Baineann an tsraith seo leis an Oireachtas, comórtas bliantúil Chonradh na Gaeilge, agus áirítear léi cláir; miontuairiscí; tuairiscí; liostaí na ndaoine a bhain duaiseanna; na haistí a bhain duaiseanna; ábhar a bhaineann le taispeántais ealaíne an Oireachtais mar aon le litríocht, ceol agus damhsa; preasráitis; grianghraif agus aithisc thosaigh.
Tá ábhar gaolmhar le fáil in G60/18/2 (an Fhéile Náisiúnta Drámaíochta) agus G60/21/2 (scóir cheoil an Oireachtais).
*****
This series relates to Conradh na Gaeilge’s annual Oireachtas competition and includes programmes; minutes; reports; lists of prize-winners; winning essays; material relating to Oireachtas art exhibitions, literature, music and dance; press releases; photographs and opening addresses.
Related material can be found in G60/18/2 (National Drama Festival) and G60/21/2 (Oireachtas music scores).
-
Seachtain Na Gaeilge [Irish Week campaign] Baineann an tsraith seo le Seachtain na Gaeilge, ar féile coicíse í a reáchtáiltear ar bhonn bliantúil i mí an Mhárta agus ar chuir Conradh na Gaeilge tús léi in 1903 chun an Ghaeilge a chur chun cinn. San áireamh leis an ábhar seo tá miontuairiscí; tuairiscí; cláir; ábhar fógraíochta; iarratais ar dheontais; comhfhreagras agus preasráitis.
*****
This series relates to Seachtain na Gaeilge [Irish language week], a two week festival which takes place annually in March and which was set up by Conradh na Gaeilge in 1903 to promote the Irish language. Material includes minutes; reports; programmes; promotional material; grant applications; correspondence and press releases.
-
Féilte, imeachtaí agus taispeántais CnaG lena n-áirítear feiseanna agus imeachtaí comortha / CnaG festivals, events and exhibitions including Feiseanna and commemorative events Baineann an tsraith seo le féilte agus le hócáidí comórtha Chonradh na Gaeilge (CnaG), a n-áirítear léi imeachtaí chun 50, 75 agus 100 bliain ó bunaíodh CnaG a chomóradh; féilte ceoil agus damhsa in Éirinn agus thar lear; ceolchoirmeacha; comórtais agus gradaim. San áireamh leis an ábhar seo tá cláir; comhfhreagras; ábhar fógraíochta; agus gearrthóga nuachtáin.
*****
This series relates to Conradh na Gaeilge (CnaG) festivals and commemorative events including events to mark the 50th, 75th and 100th anniversary of the foundation of CnaG; music and dance festivals in Ireland and abroad; concerts; competitions and awards. Material includes programmes; correspondence; promotional material; and press cuttings.
-
Féilte agus Imeachtaí Neamh-CnaG (gan Drámaíocht san áireamh) / Non-CnaG Festivals and Events (not including Drama) Baineann an tsraith seo le féilte neamh-CnaG agus le hócáidí comórtha lena n-áirítear féilte in Éirinn agus thar lear (Pan-Cheilteach, Eisteddfod, Mod agus Scriff); ceolchoirmeacha; imeachtaí (san áireamh leis sin tá comóradh Éirí Amach na Cásca 1916, an chomhdháil Cheilteach); comórtais agus gradaim. Áirítear leis an ábhar cláir; comhfhreagras; ábhar fógraíochta; agus gearrthóga nuachtáin.
*****
This series relates to non-CnaG festivals and commemorative events including festivals in Ireland and abroad (including Pan Celtic, Eisteddfod, Mod and Scriff); concerts; events (including commemoration of 1916 Easter Rising, Celtic congress); competitions and awards. Material includes programmes; correspondence; promotional material; and press cuttings.
-
Drámaíocht, Amharclannacht agus Scannán / Dráma, Theatre and Film Baineann an tsraith seo le drámaíocht, amharclannaíocht agus scannánaíocht agus áirítear léi an Chomhairle Náisiúnta Drámaíochta; an Fhéile Náisiúnta Drámaíochta (Oireachtas); an Cumann Scoildrámaíochta agus scannáin. Áirítear leis an ábhar miontuairiscí, preasráitis, scripteanna agus gearrthóga.
*****
This series relates to drama, theatre and film including the National Drama Council; National Drama Festival (Oireachtas); School Drama Association (An Cumann Scoildrámaíochta) and film. Material includes minutes, programmes, press releases, scripts and cuttings.
-
Nua-Litríocht, Filíocht agus Scríobhneóirí na Gaeilge / Modern Irish language Literature, Poetry and Writers Baineann an tsraith seo le litríocht, filíocht agus scríbhneoirí na Nua-Ghaeilge agus áirítear léi dréachtscripteanna agus aistí, beathaisnéisí agus cuntais iarbháis scríbhneoirí; nithe a bhaineann le comórtais agus gradaim; doiciméid a bhaineann le féilte agus le seoltaí leabhar; agus ábhar a bhaineann le hiriseoireacht na Gaeilge.
*****
This series relates to modern Irish language literature, poetry and writers and includes draft scripts and essays; biographies and obituaries of writers; items relating to competitions and awards; documents relating to book festivals and launches; and material relating to Irish language journalism.
-
Spórt / Sport Baineann an tsraith seo le spórt, agus le Cumann Lúthchleas Gael (CLG) go háirithe. Áirítear leis an ábhar comhfhreagras; gearrthóga; cláir; nithe a bhaineann le comórtas Thomáis Ághas; póstaeir agus bróisiúir ina liostaítear téarmaí spóirt éagsúla i nGaeilge.
*****
This series relates to sport, and in particular the Gaelic Athletic Association (GAA). Material includes correspondence; cuttings; programmes; items relating to the Thomas Ashe competition; posters and brochures listing various sports terms in Irish.
-
Ábhar a bhaineann le Ceol, Amhrán agus Rince / Music, Song and Dance Material Baineann an tsraith seo le ceol, amhrán agus rince agus le Comhaltas Ceoltóirí Éireann (CCÉ) go háirithe. Áirítear leis an ábhar bileoga ceoil ginearálta; bileoga ceoil an Oireachtais; cláir; grianghraif; póstaeir; gearrthóga agus comhfhreagras. Áirítear leis na bileoga ceoil "Go Mairidh Ár nGaedhilg Slán", a scríobhadh agus a cumadh go sainiúil don chéad Oireachtas i mBaile Átha Cliath in 1897.
*****
This series relates to music, song and dance, in particular Comhaltas Ceoltóirí Éireann (CCÉ). Material includes general sheet music; Oireachtas sheet music; programmes; photographs; posters; cuttings and correspondence. Music sheets include "Go Mairidh Ár nGaedhilg Slán", specially written and composed for the first Oireachtas, Dublin 1897.
-
Pádraig Mac Piarais (An Piarsaigh) / Patrick Pearse Baineann an tsraith seo le Pádraig Mac Piarais, ball mór le rá de Chonradh na Gaeilge agus duine de shínitheoirí fhorógra 1916. Áirítear leis an ábhar nithe a bhaineann le fundúireacht an Phiarsaigh; gradam an Phiarsaigh; comóradh an Phiarsaigh; agus Scoil Éanna, arb iad an Piarsach agus Tomás Mac Donnchadha a bhunaigh í, agus ar mhúin an Piarsach inti.
*****
This series relates to prominent CnaG member and 1916 signatory Patrick Pearse. Material includes items relating to the Pearse foundation; Pearse award; Pearse commemoration and Scoil Éanna (St Enda’s School) which was founded by Pearse and Thomas MacDonagh, and where Pearse also taught.
-
Gnóthaí Reiligiúnacha / Religious Affairs Baineann an tsraith seo le gnóthaí reiligiúnacha. Áirítear leis an ábhar comhfhreagras a bhaineann le cuairt an Phápa ar Éirinn in 1979 agus an agóid a rinne CnaG ina coinne, mar aon le Gaeilge san Aifreann.
*****
This series relates to religious affairs. Material includes correspondence and cuttings relating to the 1979 Papal visit to Ireland and CnaG’s objection to it, along with Irish language in the Mass.
-
Nótaí Taighde Dhonncha Uí Shúilleabháin / Research Notes of Donncha Ó Súilleabháin Baineann an tsraith seo le hobair thaighde Dhonncha Uí Shúilleabháin, ar fear é a chaith blianta fada i gConradh na Gaeilge (CnaG) agus a bhí ina Ard-Rúnaí ar an eagraíocht in 1959 agus ina Uachtarán ar an Oireachtas an bhliain chéanna. Scríobh sé roinnt leabhar faoi CnaG, ina measc “Scéal an Oireachtais”, “Conradh na Gaeilge i Londain 1894-1917”, “Na Timirí i ré tosaigh an Chonartha” agus “Cath na Gaeilge sa Chóras Oideachais 1893-1911”. Tá go leor den taighde a rinne sé do na leabhair sin le fáil sa tsraith seo. Rinneadh foroinnt ar an tsraith seo bunaithe ar thopaicí a chuid taighde, agus ina measc tá luathstair Chonradh na Gaeilge; An Claidheamh Soluis [céad nuachtán CnaG]; an Ard-Fheis [comhdháil bhliantúil CnaG]; an tOireachtas; Drámaíocht; Oideachas; timirí agus teagascóirí taistil; [CnaG i] Londain; agus Pádraig Mac Piarais. Comhfhreagras agus gearrthóga is mó atá inti. Baineann foshraith eile leis an tréimhse ama a chaith sé mar Ard-Rúnaí agus is comhfhreagras atá i gceist leis sin.
Bailitheoir ephemera agus grianghraf a bhain le CnaG a bhí in Ó Súilleabháin chomh maith. D’úsáid sé iad ina chuid leabhar agus tá siad scaipthe anois fud fad an bhailiúcháin.
*****
This series relates to the research work of Donncha Ó Súilleabháin, a long serving member of Conradh na Gaeilge (CnaG) who became General Secretary of the organisation in 1959 and President of the Oireachtas the same year. He wrote several books on CnaG including “Scéal an Oireachtas”, “Conradh na Gaeilge i Londain 1894-1917”, “Na Timirí: Ré tosaigh an Chonartha” and “Cath na Gaeilge sa Chóras Oideachais 1893-1911” and much of his research for those books can be found in this series. This series is subdivided into topics of his research including early history of Conradh na Gaeilge; An Claidheamh Soluis [CnaG’s first newspaper]; Ard-Fheis [CnaG’s annual congress]; Oireachtas; Drama; Education; organisers and travelling teachers; [CnaG in] London; and Patrick Pearse and primarily consists of correspondence and cuttings. A final subseries relates to his time as General Secretary and consists of correspondence.
Ó Súilleabháin also actively gathered old CnaG ephemera and photographs for use in his books which have since been scattered across the collection.
-
Páipéir Ghiolla Criost Uí Bhroin / Papers of Giolla Criost Ó Broin Baineann an tsraith seo le páipéir Ghiolla Chríost Uí Bhroin. Christopher a tugadh air nuair a rugadh é, ach thug sé an t-ainm Giolla Chríost air féin nuair a chuaigh sé isteach i gConradh na Gaeilge in 1893/94. Fuair sé post le CnaG in 1908 mar eagraí don Mhí, an Iarmhí, an Cabhán agus Longfort; bhí sé páirteach i gcomórtais amhránaíochta, damhsa agus drámaíochta an Oireachtais agus d’eagraigh sé go leor féilte agus ceolchoirmeacha. Bhí sé ina rúnaí ar Choiste Ceantair Bhaile Átha Cliath an Chonartha sna 1920í, ina mhúinteoir san Ard-Chraobh ó na 1920í go dtí na 1950í agus ina uachtarán ar an Oireachtas in 1958. Stóráladh a chuid páipéar i gcás leathair a raibh ceannlitreacha a ainm greanta air agus is é a bhí ann go príomha ná lámhscríbhinní agus scríbhinní clóscríofa, a n-áirítear leis roinnt dá chuid drámaí féin mar aon le nodaireacht cheoil.
*****
This series relates to the papers of Giolla Críost Ó Broin. Ó Broin, born Christopher, gave himself the name Giolla Críost, and was a member of CnaG from 1893/4. In 1908 he got a job with CnaG as an organiser for Meath, Westmeath, Cavan and Longford; he entered Oireachtas competitions in singing, dancing and drama and organised many outdoor festivals and concerts. He was secretary for the Dublin District council of Conradh in the 1920s, taught in the Ard Craobh from 1920s to 1950s, and became president of the Oireachtas in 1958. His papers were stored in a leather suitcase branded with his initials and consisted primarily of handwritten and typed scripts including some plays of his own along with music notation.
